ستايل للشعر الطويل

**حنين الشوق** السبت يناير 01, 2011 3:36 am

الشعر هو نص الجمال لو تلاحظون
اذا كان حلو يعطي شكل حلو للوجه و الجسم
و خاصه الطويل لأنه يعطي انوثه للبنت أكثر

و هذي ستايلات للشعر الطويل و تسريحات حلوه لأن في بنات يتعبون منه و يلفونه عشان يريحون بالهم و يضيع عليهم وقت اذا بيسوون ستايل

نبدأ ..

هذا ستايل سهل و يومي
تكون أطراف الشعر من قدام ملمومه على ورا و منفوخ من فوق و القصه او الغره عاديه
و تكون الخصل من تحت ملفوفه
هو ستايل حلو لجلسات و عزومات الأهل الاسبوعيه

ستايل للشعر الطويل H8L85261

هذا بعد ستايل سهل و يومي
ينلم الشعر كله مع القصه على ورا و يكون فوق شوي بكليب ناعم
و الخصل ملفوفه
هو ستايل عملي أكثر

ستايل للشعر الطويل C4p85261

هذا ستايل حلو و جنان
عن نفسي أحبه و أسويه لأنه مريح و سريع
تكون الخصل ملفوفه من تحت بعد .. نقسم الشعر من الجنب مع القصه و تحط كليب صغير و ناعم يجمع الشعر و القصه على جنب

ستايل للشعر الطويل 5u985261

ستايل عملي هذا و خفيف
نربط الشعر بربطه مطاطيه عاديه أي لون .. نسويه ذيل حصان
و بعدها ناخذ خصله و نلفها حول الربطه فيعطي شكل ان الشعر مربوط بخصله منه و فيه
و اذا حبيتي تحطين كليب بس أفضل يكون اصغر من اللي في الصوره أو تكون كليبين صغار جداً كل واحد ينحط على جنب

ستايل للشعر الطويل Prr85261

هذا ستايل جذاب و سكسي
حلو للمناسبات الخفيفه
تنلف الخصلات من تحت و يكون مفتوح كامل
و نقدر نلعب بالقصه يا مثل الصوره أو كلها على جنب او على ورا
ستايل يعطي جاذبيه و نعومه
مع لبس و ميك اب ناعم يطلع الشكل جنان

ستايل للشعر الطويل Qph85648

ستايل لطيف يبرز الوجه
خصل ملفوفه من تحت و القصه مرفوعه مع اطراف الشعر
و يكون الشعر كله على جنب و الجنب الثاني تقدرين تحطين ورده او كليب
بطريقه ثانيه بدال ما يكون كله على جنب .. تقدرين تخلينه على ورا
و ينلم أكثر من الجوانب .. بيعطي شكل حلو

ستايل للشعر الطويل IUU85648

* ملاحظه : القصه تغير الشكل بالكامل .. و أنصحكم بالقصه المدرجه تقدرون تلعبون فيها يمين يسار و ورا او على قدام .. و تنفع لكل ستايل
ان شاءالله يعجبكم الموضوع ^^
انتظر شسمه .. ردودكم

اشكركـ خيتــو لاعدمنــا من وجودكـ
ّّتحياتــــــــــــيّّّ

ستايل للشعر الطويل

ستايل للشعر الطويل

رد: ستايل للشعر الطويل